Асуулт: Хэрэв амьдрал чинь нааштайгаар эргэж хүсэж байсан бүх зүйл чинь маргааш хүссэнээр чинь шийдвэрлэгдлээ гэж төсөөлье. Тэгвэл одооноос арван жилийн дараа юу хийж байх байсан бэ?
Ийм асуултанд хариулт өгөхийн тулд хүн бага зэрэг мөрөөдөх хэрэгтэй болно. Хэдий тийм ч уг асуулт нь хоёр сайн зүйлийг агуулж байдаг. Нэгдүгээрт, асуултын хариултыг өгч чадвал хүн өөрт нь юу чухал байдгийг өөртөө ойлгож авах юм. Тухайлбал, арван жилийн дараа би ийм ажил хийж байх болно гэж хариулвал тэр ажил нь тухайн хүнд эрхэм байх үндэслэлтэй. Өөрөөр хэлбэл дээрх асуултанд хариулснаар хүн өөрийг үнэт зүйлсийг багцаалж болох юм. Хоёр дахь ач холбогдол нь хүний оюун ухааныг нээлттэй болгож байдаг гэж сэтгэл зүйчид хэлдэг. Жишээлбэл, өөрийн мөрөөдөлтэй холбоотой зорилтуудын талаар эргэцүүлэх нь хүний тархийг шинэ боломжуудад нээлттэй болгож байдаг байна. Ингэснээрээ ч хүн сэтгэл зүйн хувьд уян хатан ч болж байдаг байна. Өөрөөр хэлбэл өөр боломжуудыг бодолцох боломжтой болгодог байна. Weatherhead-ын Менежментийн сургуулийн сэтгэл зүйч Richard Boyatzis хэлж буйгаар “Хэрэв энэ эргэцүүллийг зогсоогоод энэ зорилтод хүрэхийн тулд чи юу өөртөө өөрчлөх ёстой вэ? гэж асуумагц хүний тархи хаалттай байдал руугаа ордог”.
Хүний тархи өөрт чухал ба таатай зүйлийн талаар ярих үед илүү идэвхитэй ажилладаг төдийгүй аз жаргалтай дурсамж зэргийг сэргээж байдаг байна. Ингэснээрээ урам орж байдаг. Хүнд урам өгнө гэдэг нь ердөө үгээр л тайлбарлагдаж байдаг. Тэгэхээр зорилго зорилтууд нь маш тодорхой байх хэрэгтэй болно. Учир нь хүний тархи тодорхой бус байдлыг тэвчдэггүй. Зорилтууд нь бодит ба тодорхой болсон цагт мөрөөдөл нь ч хийсвэр бус болж ирдэг бололтой.
Comments