Жинхэнэ аз жаргал гурван зүйлээс шалтгаална гэдэг бол тэдгээрийн нэг нь аливаа зүйлийг дүгнэхгүй байх явдал. Энэ зарчмыг Зэн мастерууд ийм нэг түүх өгүүлж тайлбарладаг байна.
Японы нэгэн тосгонд олны дунд танигдсан Хакүин мастер амьдардаг байжээ. Тэрээр бурхны сургааль хүмүүс заадгаараа олны хүндлэл хүлээсэн нэр хүндтэй хүн байж.
Нэгэн өдөр хөрш айлынхан нь насанд хүрээгүй охин нь жирэмсэн болсныг мэдээд маш их бухимдаж охиноо загнаж эцэг нь хэн болохыг хэлэхийг шаарджээ. Охин айсандаа эцэг нь Хакүин багш гэж. Ингээд хөршүүд нь асар бухимдалтай Хакүин мастер дээр ирж “ичих нүүргүй чи манай охиныг жирэмсэн болгосон байна гээд уурлаж загнажээ. Харин Хакүин мастер “тийм юм болоо юу?” гэснээс өөр үг хэлээгүй аж.
Удалгүй хэдэн сарын дараа хөрш айлын охин хүүхдээ гаргасан бол хөршүүд нь хүүхдийг нь аваад Хакүин дээр хүрч ирээд: “чи эцэг нь юм чинь энэ хүүхдээ ав” гээд орхиод явжээ. Хакүин хөдөлсөн ч үгүй үг ч хэлсэнгүй. Харин хүүхдийг нь аваад өсгөхөөр шийджээ.
Жилийн дараа хөрш айлын охин гэмшээд эцэг эхдээ хүүхдийн эцэг Хакүин биш харин тэр гудамжинд мах зардаг залуу гэдгийг хэлжээ. Хөршүүд буруугүй Хакүинд уурлаж буруутгасан нь алдаа байснаа ойлгож Хакүин дээр ирээд уучлалт гуйсан гэдэг. Уучлаарай их л тоогүй зүйл болжээ, бидний буруу гэхэд Хакүин бас “тийм юм болоо юу” л гэсэн гэдэг.
Хакүин мастер өөрийг нь гүтгэж дайрч давшлахад огт эсэргүүцээгүй ердөө л “тийм юм болоо юу?” л гэж хариулсан. Энэ үйл явдлаас хойш Хакүин мастерыг хүмүүс улам л их хүндлэх болсон түүхтэй. Энэ товч түүх амьдралд тулгарах аливаа муу зүйлийг эсэргүүцэхгүй байвал муу зүйл эерэг болж хувирдгийг л харуулсан түүх юм.
Comments